Zbardhet për publikun Marrëveshja mes SHBA dhe qeverisë shqiptare që përfshin një kontroll amerikan mbi luftën ndaj trafikut të drogës dhe korrupsionit në Shqipëri.
Qeveria amerikane ka akorduar Shtetet e Bashkuara të Amerikës do të shtojnë prezencën dhe rolin e tyre në Shqipëri, me ekspertë të të gjitha fushave, me trajnime, pajisje dhe monitorin, sa i takon luftës kundër drogës, korrupsionit dhe krimit milionë dollar në këtë program që përfshin hyrjen e ekspertëve të SHBA në çdo zyrë të shtetit që merret me luftën ndaj krimit e korrupsionit, madje edhe në ekipet negociatore me BE-në.
Marrëveshja ndryshon paktin Shqipëri SHBA, për kontrollin e lëndëve narkotike dhe zbatimin e ligjit, nënshkruar më 1 korrik 2015.
Ndryshimi vjen në kuadër të programit për zhvillimin e sektorit të drejtësisë penale dhe të shtimit të fondit prej 3 milionë dollarë, për të vijuar me zbatimin e reformave në sistemin gjyqësor.
Marrëveshja e detajuar është firmosur nga ministri i Brendshëm, Saimir Tahiri, në emër të qeverisë shqiptare dhe nga ambasadori amerikan, Donald Lu, në emër të qeverisë së SHBA.
Programi për zhvillimin e sektorit të sistemit gjyqësor penal do të sigurojë mbështetje për institucionet kryesore të drejtësisë penale, zyrtarëve të antikorrupsionit dhe agjencive mbështetëse, për të forcuar aftësitë e Shqipërisë për të luftuar të gjitha format e krimit, në veçanti duke u fokusuar në përmirësimin e efektivitetit dhe cilësisë të procedimeve penale dhe forcimit institucional në këtë kuadër.
Projekti do të përfshijë trajnimin, dhurimin e pajisjeve, asistencën teknike dhe këshillimin nga ekspertë të fushave, duke përfshirë ekspertët e Shteteve të Bashkuara pjesëmarrës nëpërmjet Drejtorisë së Përgjithshme për Fqinjësinë dhe Negociatat për Zgjerim të Komisionit Evropian.
Marrëveshja me SHBA për kontrollin e lëndëve narkotike dhe zbatimin e ligjit, parashikon zbatimin e disa komponentëve, duke nisur që nga monitorimi nga ana e amerikanëve të zbatimit të reformave në gjyqësore, mbikëqyrjen e procesit të Vettingut dhe verifikimin e gjyqësorit në koordinim me Komisionin Evropian.
Po ashtu, parashikohet rritja e kapaciteteve të prokurorëve dhe hetuesve për të luftuar krimin e organizuar, korrupsionin dhe format e tjera të aktiviteteve kriminale.
Do të ngrihet një sistem i drejtësisë penale nëpërmjet legjislacioneve të përmirësuara, ndihmë për gjyqësorin për të gjykuar rastet brenda afateve kohore, në mënyrë efikase, të paanshme dhe etike.
Qëllimi afatgjatë i këtij projekti është të forcojë sektorin shqiptar të drejtësisë penale, institucionet e tij dhe zyrtarët, në mënyrë që të përgjigjet për të gjitha llojet e krimit, me fokus të veçantë në korrupsionin dhe krimin e organizuar, duke pasur për qëllim ta afrojë vendin më pranë anëtarësimit në Bashkimin Evropian, në përputhje me qasjen strategjike të vendit.
Mbështetjen dhe financimin e projekteve për zhvillimin e sektorit të drejtësisë penale për të zbatuar komponentët e përshkruar në pjesën e modifikuar të Marrëveshjes.
Për këtë qëllim, qeveria e SHBAve dhe qeveria e Shqipërisë, do të ndërmarrin veprime dhe do t’i përdorin burimet në baza vjetore në përputhje me procedurat dhe legjislacionet përkatëse të të dyja vendeve, për të mbështetur këtë përpjekje./tesheshi.com/
