Koreja e Veriut i ka përdorur për një kohë shumë të gjatë barrierat njerëzore dhe bashkimet familjare si një mënyrë për të bërë presion mbi popullin, ndërsa gjatë ditëve të fundit është konfirmuar se do të organizohen mes dy Koreve takime për familjet e ndara si pasojë e luftës.
Është ende një pasiguri torturuese për familjarët në Korenë e Jugut, të cilët duhet të marrin pjesë në një lotari për të pasur mundësinë e takimit të të afërmve të tyre. Ende nuk dihet se si Pyongyang do të zgjedhë personat që do të takojnë të afërmit e tyre në anën tjetër të kufirit.
Më 15 shtator dy Koret do të ndajnë mes tyre emrat e familjeve që presin të takojnë familjarët e tyre në anën tjetër të kufirit. Koreja e Jugut ka një listë me 250 emra, të cilën Koreja e Veriut duhet ta kontrollojë për të evidentuar nëse njerëzit janë ende gjallë. Veriu do t’i ofrojë Jugut një listë me 200 emra, në mënyrë që të bëhet e njëjta gjë.
Të dyja Koretë do të flasin mes tyre sërish më 5 Tetor për një listë përfundimtare që do të vendoset më 8 Tetor dhe vetëm 100 persona nga secila anë do të mund të realizojnë një takim me të afërmit e tyre.
Që nga viti 1988, thuajse 130000 persona nga Koreja e Jugut janë regjistruar për të takuar familjarët e tyre, sipas sajtit të Ministrisë së Unifikimit (Bashkimit). Megjithatë, vetëm 66 mijë prej tyre mendohet se janë ende gjallë./tesheshi.com/
