Tirana dhe Uashingtoni nënshkruan një marrëveshje esktradimi mes tyre, që sipas ambasadores Yuri Kim ka një vlerë te veçantë dhe në kuadër të Reformës në Drejtësi.
“Ky traktat mundëson një kornizë moderne që i mundëson SHBA dhe Shqipërisë që të luftojnë krimin dhe dëshmon natyrën e marrëdhënieve tona të forta në fushën e sigurisë.
I japim fund pandëshkueshmërisë dhe nuk do të ketë asnjë strehë të sigurt për personat që duan t’i shmangen drejtësisë në Shqipëri apo SHBA.
Sa më efikase të jetë Shqipëria në ndjekjen penale të krimit ndërkombëtar, aq më e gatshme do të jetë në anëtarësimin drejt Bashkimit Evropian.
Mbështesim Shqipërinë për të çuar përpara reformën në drejtësi.
SPAK dhe BKH janë prioritet për SHBA-të. Suksesi i SPAK nuk është vetëm ç’pret SHBA por edhe që shqiptarët duan, kanë nevojë dhe meritojnë”, tha ndër të tjera Yuri Kim pas aktit të firmosjes me ministren Etilda Gjonaj.
Kjo e fundit saktësoi se “marrëveshja e re zëvendëson traktatin dypalësh të vitit 1933”.
“Kjo marëveshje është rezultat i një punet ë gjatë dypalëshe dhe një bashkëpunimi tejet të ngushtë mes dy qeverive.
Kjo marrëveshje shënon një hap përpara sa i përket luftës kundër krimit. Për të mos lënë asnjë shteg në ndjekjen penale të autorëve përgjegjës për kryerjen e veprave penale në të dyaj vendet.
Askush nuk do të gjejë asnjë strehë për t’ju shmnagur zbatimit të ligjit në SHBA dhe Shqipëri”, theksoi grua në krye të drejtësisë shqiptare. /tesheshi.com/
