Madridi dhe Londra arritën një marrëveshje mbi Gjibraltarin, duke hequr pengesën e fundit për miratimin e draft marrëveshjes për largimin e Mbretërisë së Bashkuar nga Bashkimi Evropian.
Kryeministri spanjoll Pedro Sanches tha në Madrid se Spanja ka arritur një marrëveshje mbi Gjibraltarin dhe do të votojë mbi një projekt-marrëveshje mbi Brexit, njoftoi AFP.
“Qeveria e Mbretërisë dhe Spanja arritën një marrëveshje mbi Gjibraltarin”, ka thënë Sanches në një fjalim televiziv, duke shtuar se Spanja nuk do të përdorë të drejtën e vetos, por do të votojë për projekt-marrëveshjes për Brexit.
Në Bruksel pritet të mbahet samiti i liderëve të BE-së, ku do të nënshkruhet projekt-marrëveshja mbi Brexit, e cila përfshint dhe çështjen e Gjibraltarit.
Gjibraltari është një territor i Britanisë së Madhe që lidh Oqeanin Atlantik dhe Detin Mesdhe. Ai është i vendosur në pjesën jugore të Spanjës, e cila i dha një pjesë të territorit të saj Britanisë së Madhe në viti 1713. /tesheshi.com/
