Në fund të takimit të tretë të Shengenit rajonal, mbajtur në Tiranë, është dalë me një deklaratë të përbashkët, ku theksohet rëndësia ekonomike e këtij projekti bashkëpunues.
Ndër vendimarrjet më të rëndësishme, është ajo mbi statusin e çdo individi, që paçka shtetësisë do ketë në vendin tjetër. Thënë ndryshe, çdo shtetas shqiptar, i ndodhur në Serbi apo Maqedoni Veriore e anasjelltas, konsiderohet me të njëjtat të drejta qytetare.
“Liderët kanë rënë dakord që secili anëtar i Ballkanit Perëndimor duhet të lejohet të jetojë, udhëtojë dhe punojë si vendas, duke kontribuar në krijimin e një tregu të përbashkët ekonomik.
Shqipëria, Serbia, dhe Maqedonia e Veriut angazhohen:
Për një marrëveshje që do të trajtojë qytetarët e secilit vend si vendasit lidhur me udhëtimin, banimin dhe punësimin në secilin vend. Ne synojmë të nënshkruajmë marrëveshjen deri në fund të Janarit 2020 dhe të plotësojmë këto procese sa më shpejt të jetë e mundur. Kjo duhet të arrihet duke harmonizuar legjislacionin vendas mbi lëvizjen e personave, lejet e punësimit dhe lejet e qëndrimit.
Marrëveshja duhet të plotësojë kërkesat e BE-së dhe të jetë e hapur për të gjithë vendet e Ballkanit Perëndimor.
Për njohjen e kualifikimeve profesionale në BE, profesionet e rregulluara sipas Samitit të Zagrebit, në Maj. Kjo do të zbatohet si për punonjësit aktualë të atyre profesioneve, ashtu edhe për të diplomuarit e ardhshëm në programe të akredituara dhe në ciklin e tretë të studimeve (doktoratura)”, thuhet në pikën “Lëvizja e Njerëzve dhe Shërbimeve”. /tesheshi.com/
