LSI nuk ka marrë thjesht bashkitë e nivelit të dytë dhe PS ato të nivelit të parë. Pasi me ndarjen e re territoriale çdo bashki ka rëndësi kapitale. Por partia e Metës i ka marrë Edi Ramës, “zemrën e majtë” të Shqipërisë duke i dhënë PS-së qytetet e mëdha, që në fakt janë një konglomerat jo vetëm politik por edhe problematik.
Në këtë marrëveshje politike që Rama e ka bërë me një vetëdije politike dhe me një vizion nisur nga eksperienca e tij në krye të PS-së, Lëvizja Socialiste për Integrim, fiton domene të rëndësishme politike që nuk i kishte më parë. LSI nuk se shuhet në qytetet ku bashkitë do t’i ketë PS, realisht i lë socialistëve barrën por një pjesë të ndarjes së pushtetit partia e Metës e ka të garantuar. Ndërsa në bashkitë e certifikuara, LSI bëhet “çifligarja” politike e territorit nëse fiton dhe sipas gjasave ka marrë zona të sigurta. Kurse PS hyn në sfidë të madhe, duke mbajtur profilin e qyteteve të mëdha, që faktikisht Edi Rama i ka fituar që kur ka ardhur në krye të PS-së, në dy zgjedhje lokale, ato të vitit 2007 dhe ato të vitit 2011. Por Edi Rama, mësohet se ka vënë një bast të madh, që do ta analizojnë në një shkrimt ë radhës, Shkodrëm me anë të kandidimit të Keti Bazhdarit.
Çfarë fitoi LSI
Lëvizja Socialiste për Integrim me anë të bashkive që ka marrë nga jugu në veri, ka konfiguruar zonat që tashmë ajo do ti ketë edhe në zgjedhjet e përgjithshme parlamentare, duke krijuar një terren të favorizuar politik për të ristartuar dhe vendosur rrënjët politike. Në plan të parë LSI ka marrë disa bashki totalisht të majta siç janë Berati, Bulqiza, Përrenjasi, Gjirokastra, Patosi, Gjirokastra, Kukësi, Pogradeci, Kuçova, Skrapari, Cërriku, Mallakastër, Përrenjas, Selenicë. Të gjitha këto njësi vendore janë bastione që asnjëherë nuk kanë pasur ndonjë ndryshim votimi përveç Lezhës dhe Vorës, të cilat nuk janë bastione por që LSI synon të mbajë primatin.
Nësepartia e Metës i fton këto bashki që sipas të gjitha gjasave janë, LSI që sot ka në xhep 15 deputetë për parlamentin e vitit 2017 plus të tjerëve që mund të marrë në zonat e tjera në bashkëpunim me PS-në. Pra kemi të bëjmë me një marrëveshje mjaft me favor për LSI. Administrata e këtyre bashkive që sigurisht do të jetë e gjerë dhe do të emërojë drejtuesit e minibashkive që përfaqësojnë komunat aktuale, është një basen i pamasë ku mund të “zhyten” militantët e LSI-së për të marrë beneficet e pushtetit dhe administrtaës.
Çfarë fitoi PS
Fitorja më e madhe e PS-së dhe e Edi Ramës është se tashmë nuk do të ketë një çarje koke për LSI dhe nga LSI pasi përfundimisht partia e Metës ka marrë shumë, shumë nga torta e madhe e pushtetit. Madje dy herë më shumë, vende pune dhe siguri për numrat e deputetëve. PS e ka zonën e influencës së lirë. Por nga ana tjetër Partia e Kryeministrit Rama, në qytetet e mëdha do të jetë pre e drejpërdrejtë e pakënaqësisë jo vetëm nga qeverisja dyvjeçare por edhe nga mosndarja e drejtë e vendeve të punës si pasojë e marrëveshjes me LSI-në. Plus përplasjes nga brenda që pritet të jetë e fortë, si në Shkodër, Elbasan, Vloeë, Fier, Vlorë, PS mund të marrë edhe pakënaqësinë e bastioneve të cilat i janë dhënë LSI-së dhe si pasojë ose mund të ketë rrjedhje masive drejt partisë së Metës, ose siç flitet çregjistrim dhe një zhvendosje majtas drejt një liste elektorale “alla Tsipras”.
(tesheshi.com)
