Dy muaj kanë qëndruar në çadra përpara selisë së qeverisë në Shkup me kërkesën për zgjidhje politike të krizës që përfshiu vendin, pas skandalit të përgjimeve publikuar nga lideri i Opozitës, Zoran Zaev.
Por, pas marrëveshjes së arritur mes palëve, me ndërmjetësimin e komisionerit europian, Johannes Hahn, protestuesit nisën të çmontojnë çadrat.
Arsyeja kryesore është se në marrëveshje parashikohet që kryeministri Nikola Gruevski do të japë dorëheqjen nga Qeveria përpara mbajtjes së zgjedhjeve të parakohshme vitin e ardhshëm.
Në fakt, protestuesit janë shprehur se ende nuk e kanë arritur qëllimin e tyre për të shpëtuar plotësisht nga regjimi jodemokratik. Mirëpo, me marrëveshjen, po ecet në këtë drejtim. /tesheshi/
