Ministrat e Brendshëm të Shqipërisë e Kosovës, Bledi Çuçi dhe Xhelal Zvelça, firmosën një marrëveshje të përbashkët për krijimin e një etniteti të njëjtë territorialo-administrativ, nga i cili do përfitojnë 300 mijë banorë në të dy anët e kufirit.
Ky etnitet do jetë i njëjtë 30 km në brendësi të Shqipërisë dhe 30 km në brendësi të Kosovës, ku shtetasit në të dy anët do të përfitojnë shërbime të njëjta në Kosovë dhe në Shqipëri, sikur të jenë shtetas përkatësisht të të dy shteteve.
“Janë rreth 300 mijë banorë, që do të përfitojnë drejtpërdrejt nga ky lehtësim.
Do të thotë që mund të ndjekë lirisht shkollën që nga fillorja e deri në të mesmen, në varësi të vendndodhjes së institucioneve arsimore në të dy anët e kufirit.
Mund të shkojë të punojë në të dy anët e kufirit, pa pasur nevojë për asnjë dokument, për asnjë leje, pra me një qarkullim krejtësisht të lirshëm”, tha ministri i Brendshëm i Shqipërisë, Bledi Çuçi.
“Banorët do të kenë mundësi të lëvizin lirshëm me leje kalimi të veçantë në zona kufitare të përcaktuara përgjatë tërë vijës kufitare mes dy vendeve në brendësi të territorit deri në 30 km në secilën anë.”
“Nxënësit do të kenë më të lehtë qasjen në shkollim andej apo këtej kufiri. Do të hapen pika kufitare të përkohshme kalimi kurdo që të jetë nevoja, për festa, aktivitete kulturore, sportive apo emergjenca. Do zhvillojhet ekonomia dhe tregjet lokale”, tha ministri Svelça. /tesheshi.com/
