Arkivi Qendror i shtetit shqiptar dhe institucioni homolog në Turqi do të kenë një sistem të përbashkët online për shkëmbimin e dokumenteve të rendësishëm. Gjatë firmosjes së marrëveshjes së bashkëpunimit, Drejtori i Arkivit Qendror shqiptar, Ardit Bido tha se kjo është një fazë shumë e rëndësishme, ndërsa po punohet që në sistem të jenë edhe dokumentet e pronave.
Drejtori i Arkivit Shtetëror turk, Ugur Unal, tha se grupi i mbërritur para pak kohësh në Shqipëri ka konstatuar se në të dy arkivat ka dokumente që janë të ruajtura mire, por ka edhe të tjera që kanë nevojë të restaurohen ndaj sistemi online do të ketë një rol kyç në ruajtjen e dokumenteve.
Në të dy arkivat përkatëse ruhen dokumente të rëndësishme historike dhe që kanë një vlerë të papërsëritshme. /tesheshi.com/
