Panos Kamenos, ministri i Mbrojtjes në qeverinë Tcipras ka dhënë dorëheqjen, duke pasuar kështu me këtë akt Kotziasin, ish-ministrin e Jashtëm, me të cilin kishte përplasje, e që ishte dhe shkaku se përse ai u largua njeriu që punoi për Paktin Detar me Shqipërinë, e më tej për Marrëveshjen e emrit të ri më Maqedoninë, vendosi të largohej.
Kamenos, si përfaqsues i forcës “Grekët e Pavarur” në koalicion me Syriza-n, vetlargohet në emër të padakortësisë me Marrëveshjen e Prespës, sapo kjo e fundit u ratifikua në parlamentin maqedonas me ndryshimet kushtetuese të miratuara dy net më parë.
Kamenos, për sa drejtoi Mbrojtjen greke, ishte dhe një “gricës” i pandreqshëm edhe sa i përket çështjeve me Turqinë, ku me deklarimet e tij gati militare çoi në acarim raportet mes Athinës dhe Ankarasë. /tesheshi.com/
