Qeveria maqedonase miratoi një plan për zbatimin e detyrimeve në bazë të Marrëveshjes së Prespës, i cili parashikon që emri i ndryshuar në Republika e Maqedonisë Veriore, të nisë përdorimin zyrtar shtatë ditë pasi Greqia të ratifikojë Protokollin për pranimin në NATO.
Sipas planit, ministritë përkatëse, organet shtetërore dhe institucionet, ndërmarrjet publike dhe shoqëritë aksionare në pronësi të shtetit, pas hyrjes në fuqi të ndryshimeve kushtetuese, duhet të ndryshojë tabelën në vendkalimet kufitare dhe të kufirit shtetëror të Maqedonisë, në misionet diplomatike dhe konsullore dhe në hyrje të institucioneve.
Këto ndryshime do të harmonizohet me Ligjin për përdorimin e gjuhëve, me qëllim që emri i ri Maqedonia Veriore të shfaqet në kufi, institucionet qeveritare dhe ndërmarrjet publike, si dhe ambasada e konsullatat duke qenë të shtypura në gjuhën maqedonase dhe shqipe.
Sekretari i Përgjithshëm i qeverisë maqedonase, është i ngarkuar për të formuar një grup ndërministror që duhet të zhvillojë një plan gjithëpërfshirës të veprimit kombëtar për zbatimin e obligimeve nga Marrëveshja e Prespës me Greqinë për zgjidhjen e kontestit për emrin. /tesheshi.com/
