Një marrëveshje e firmosur së fundi mes drejtorit të Arkivi të Shtetit dhe përfaqeuseve të Autoritetit të Përkujtimit të Holokaustit – Yad Vashem, do i hapë rrugë promovimit së më të madh në botë të asaj që shqiptarët u treguan të jashtëzakonshëm në mbrojtje të hebrenjve gjatë luftës.
“Shqipëria kishte një komunitet prej vetëm 200 hebrenjsh në fillim të Luftës, por në fund të saj kishte mbi 2000 të tillë. Ky numër, pavarësisht se ishte i vogël, vlen për të treguar historinë e veçantë të një populli që kontribuoi për shpëtimin e hebrenjve”, tha Avner Shalev, kreu i bordit të drejtorëve Yad Vashem
“Kjo histori nuk duhet fshehur më, nuk duhet të mbetet në Arkiva, pa qenë e aksesueshme për sytë e publikut. Këto burime arkivore duhet të promovohen dhe të shpërndahen në mbarë botën, nëpërmjet mjeteve që na ofron teknologjia. Kjo nuk duhet të bërë për të mirën e hebrenjve dhe Izraelit, e as për të mirën e shqiptarëve e Shqipërisë, por për të mirën e njerëzimit; një provë që edhe gjatë vështirësive, edhe gjatë luftës, edhe gjatë periudhave të errëta të ideologjive ekstreme, ka mjete që njerëzit e zakonshëm mund të përdorin për të shpëtuar konceptet bazike të të qenit qenie njerëzore”, tha nga ana tjetër drejtori i Arkivave shqiptare, Ardit Bido, pas firmosjes së marrëveshjes. /tesheshi.com/
