Në mënyrë disi triumfuese, presidenti serb Aleksandar Vuçiç njoftoi “urbi et orbi” se pas një bisede telefonike me presidentin rus Vladimir Putin, ai siguroi furnizimin e pandërprerë dhe ende shumë të favorshëm të vendit të tij me gaz natyror.
“Unë dhe Putin patëm një bisedë shumë të mirë. Biseduam për disa tema të ndryshme. Gjëja më e rëndësishme për ne janë marrëdhëniet tona dypalëshe dhe kemi prekur disa gjëra. Për ne çështja më e rëndësishme është skadimi i marrëveshjes së gazit pas dhjetë vjetësh më 31 maj. Ajo që mund të them është se ne kemi rënë dakord për elementët kryesorë, të cilët janë shumë të favorshëm për Serbinë”, shpjegoi Vuçiç.
Kjo bisedë, e zhvilluar në mes të agresionit rus kundër Ukrainës, është interpretuar në mënyra të ndryshme, madje edhe pretendimi i presidentit serb se Serbia do të marrë gaz shumë më të lirë se çmimi për blerësit në Evropë, nuk i ka bindur kritikët e ekzicionimit politik të Vuçiqit pët kursin e duhur gjeopolitik.
“Nëse realizojmë gjithçka nga marrëveshja me Putinin, do të kemi një dimër të sigurt për furnizimin me gaz dhe pas bisedimeve me Gazprom për sasitë, do të mund të themi saktësisht se sa do të na kushtojë metri kub mesatar. Në këtë moment do të ishte tre herë më pak, ndërsa në dimër do të jetë 10-12 herë më pak se sa do të paguajnë të tjerët në Evropë”, tha Vuçiç.
Dimensioni politik i çmimeve të gazit
Nëse marrim parasysh një vizitë të paralajmëruar të ministrit të Jashtëm rus Sergei Lavorov në Beograd në fillim të javës së ardhshme, lind pyetja se si të interpretohet kjo prani e fortë ekonomiko-diplomatike ruse në Serbi dhe më e rëndësishmja nëse Serbia, ndoshta ende jozyrtarisht, zgjodhi Rusia dhe jo Perëndimin?
Analisti politik serb Dushan Janjiç, kur flet për çmimin e gazit rus, qëllimisht thekson “dimensionin politik” të tij. Kur krahas kësaj merret parasysh dhe vizita e paralajmëruar e Sergei Lavrov, atëherë “i verbëri” mund të lexojë se si u dërguan sinjale të qarta politike.
“Po flasim për çmimin politik, kështu që ambasadori rus në Beograd tashmë ka thënë qartë se ky është vazhdimësi e bashkëpunimit siç ka qenë deri më tani. Pra, ardhja e Lavrovit për të festuar Ditën e Rusisë në Beograd është padyshim një shenjë e qartë se për sa i përket Rusisë, ajo e konsideron Serbinë aleatin e saj më të ngushtë në këto kohë, sepse mbani në mend, ka pak vende ku Lavrov mund të shkojë tani dhe të shënojë Ditën e Rusisë atje”, thotë Janjiç.
Serbia, vështirë se mund të mbijetojë pa BE-në
Ndjenjat që prodhohen sistematikisht ndaj Rusisë, si rregull, shkojnë me ndjenjën se Bashkimi Evropian është i panevojshëm. Prodhimi i emocioneve të tilla mund të jetë vetëm katastrofik dhe i dëmshëm, thotë intelektuali i pavarur Filip David, sepse sipas tij, Serbia vështirë se mund të mbijetojë ekonomikisht pa ndihmën e Bashkimit Evropian.
“Megjithatë, kjo është vetëm një gjendje konfuzioni i përgjithshëm, sepse nga ana tjetër Serbia vështirë se mund të mbijetojë ekonomikisht pa ndihmën e Bashkimit Evropian, sepse gjithçka që është bërë në Serbi vitet e fundit në investime dhe ndihmë dhe pa kushte, ka ardhur nga BE-ja dhe kjo është një gjë e njohur”, thotë David. /tesheshi.com/
