Qeveria shqiptare miratoi të mërkurën një projektligj për zbatimin e një marrëveshjeje të diskutueshme me Italinë për trajtimin e përbashkët të disa kërkesave për azil të emigrantëve që mbërrijnë në Itali nëpërmjet Detit Mesdhe.
Kryeministri Rama dhe homologia i tij italiane Giorgia Meloni njoftuan këtë muaj një marrëveshje pesëvjeçare sipas së cilës Shqipëria do të pranojë të strehojë përkohësisht deri në 36,000 emigrantë në vit dhe se Roma do të trajtojë shpejt kërkesat e tyre për azil në Itali.
Projektligji do të debatohet dhe pritet të votohet në parlament.
Për Ramën, kjo marrëveshje është një gjest edhe mirënjohjeje ndaj Italisë, e cila në vitin 1991 priti mijëra shqiptarë – refugjatë nga varfëria pas rënies së komunizmit.
Ministri i Jashtëm Antonio Tajani u tha gazetarëve se marrëveshja nuk do të kalojë në parlamentin italian, sepse nuk është një marrëveshje.
“Unë do të vij në sallën (parlamentin) për të shpjeguar,” tha ai, sipas gazetës La Presse.
Komisioni Evropian ka kërkuar më shumë detaje rreth marrëveshjes.
Partitë opozitare të krahut të majtë të Italisë e kundërshtojnë marrëveshjen. /tesheshi.com/
