Kryeministri Rama firmosi aktin e investimin amerikan për ndërtimin e HEC-it të Skavicës, një vepër e mbetur në tentativë që nga koha e konunizmit.
Memorandumi u firmos me Nën Sekretarin e Shtetit të SHBA për Zhvillimin Ekonomik, Energjinë dhe Mjedisin, Keith Krach, në prani dhe të ambasadores amerikane.
“Ky memorandum që nënshkruajmë sot hap një kapitull për investimet të drejtpërdrejta të huaj jo vetëm amerikane. Do fusë në realizim një ëndërr 50 vjeçare si ndërtimi i HEC-it të Skavicës, që e kthen Shqipërinë në një vend sovran në aspektin e prodhimit të energjisë.
Do nxisë edhe bizneset që të vazhdojnë në këtë proces ku Amerika hedh hapin duke u futur vetë për të mbështetur me ekspertizën e vete, teknologjinë, financimin, në mënyrë që të tjerët të vazhdojnë të ndjekin këtë shembull.
Kam parasysh impaktin e madh që do ketë ky hap. Për ne paraja që vjen nga një vend mik nuk është njësoj nga ata që nuk janë miq.
Do bëjmë çmos që paraja që vjen nga vendet mike, të kthehet në përfitim reciprok ngritje ekonomike.
Ajo çka ky memorandum ofron: sektor strategjik, konfirmon se ne na duhet një qasje strategjike për të pasur rrjet të sigurt në nivele të tjerë të digjitalizimit dhe transferimit të të dhënave”, theksoi kreu i qeverisë shqiptare.
Nga ana tjetër, zyrtari amerikan vlerësoi bashkëpunimin në fjalë, si dhe faktin se Shqipëria kishte refuzuar 5G-në kineze.
“Është nder të jem këtu, zoti Rama ju jeni vërtet një lider, jam i lumtur që po e çojmë partneritetin më tej, në emër të presidentit Trump ju falenderoj ju dhe popullin shqiptar për mikpritjen dhe miqësinë tuaj, gjithashtu i urojmë shërim të shpejtë të prekurve nga covid dhe ngushëllime atyre që humbën të afërmit nga kjo pandemi.
Mbështetja juaj e hapur për rrjetin 5G, një shembull i fuqishëm. Shqipëria është bashkuar me valën e pastër 5G. Rritja e investimeve amerikane në Shqipëri, do krijohen vende të reja pune. Skavica projekt historik, do të sjellë energji të pastër në Shqipëri”, tha ai. /tesheshi.com/
