Marko Gjuriç, njeriu që trazoi raportet Prishtinë – Beograd me një arrestim spektakolar që iu bë nga forcat special kosovare, hyri sërish në territorin e Kosovës, kësaj here me “letra në rregull”, duke qëndruar në Zveçan për kremtimin e Pashkëve ortodokse.
Por gojës i dha sa mundi në mesazhet e tij, plot nacionalizëm.
“Ne do të qëndrojmë dhe do të qëndrojmë këtu në Kosovë dhe Metohi. Ne, si Serbi, dimë si ta mbrojmë popullin tonë në Kosovë, sepse këtu, për më shumë se një mijë vjet, është ndërtuar identiteti i popullit serb, i gjithë popullit serb. Është ndërtuar në të kaluarën, po ndërtohet sot dhe të jeni të sigurt se do të ndërtohet edhe në të ardhmen”, citohet të ketë thënë Gjuriç. /tesheshi.com/
