Një prej gjyqtarëve më të mirë të futbollit anglez e europian, njeriu që arbitroi vitin e shkuar dy finalet më të rëndësishme të futbollit në Europë, i dha fund bashkëpunimit 12-vjeçar me Premier League-n për të vijuar karrierën në një post kyç në Arabinë Saudite.
Federata e Futbollit e Arabisë Saudite njoftoi një ditë më parë se ai do të drejtojë sektorin e saj të arbitrimit.
Mark Clattenburg, që më herët ishte menduar se mund të zhvendosej në futbollin kinez, e ka pritur me shumë entuziazëm detyrën e re.
Në faqen në Twitter të punëdhënësit të tij të ri saudit, 41-vjeçari u shpreh kësisoj: “Kjo është një lëvizje e rëndësishme përpara.”
Ndeshja e fundit që Clattenburg arbitroi në Premier League qe ajo e së shtunës së shkuar mes Arsenalit dhe Hall Sitit. /tesheshi.com/
