Oleksandr Lashin, këshilltari i qytetit të Mariupolit, qyteti port ukrainas që ra në duart e Rusisë, foli për stacionin televiziv ukrainas Espresso për situatën aktuale në atë qytet në juglindje të Ukrainës.
Lashin thotë se kushtet në qytet janë të tmerrshme dhe se ka mungesë uji dhe rryme.
“Vijon drama në Mariupol. Ujërat e zeza derdhen në rrugë, kundërmojnë gjithandej. Ndihet edhe erë e keqe e trupave të pajetë”, tha Lashin.
“Okupatorët rusë nuk mund të sjellin rregull. Qytetarët nuk mund të largohen, ata janë thjesht robër të pushtuesve”, shtoi ai. /tesheshi.com/
