Në qytetin port të rrethuar të Mariupolit në rajonin Donetsk të Ukrainës, luftimet e trupave ruse me mbrojtësit e mbetur ukrainas nuk kanë të ndalur ende.
Beteja për Mariupolin doli të ishte psikologjikisht vendimtare si për ukrainasit ashtu edhe për rusët. Nga njëra anë, ukrainasit, pasi arritën t’i rezistojnë pushtuesit për kaq gjatë – rrethimi filloi më 7 mars – janë më lart moralisht, duke rraskapitur armikun dhe në këtë plan, ndërsa rusët nga ana tjetër shohin pushtimin e qyteti si një imperativ për t’u hakmarrë kundër trupave ukrainase. Kjo pasi separatistët pro-rusë nga Mariupoli i refuzuan në vitin 2014, në një kohë të “pushtimit të heshtur rus” të Krimesë.
Të shtunën, këshilltari i kryeministrit të DNR-së, Jan Gagin, foli për mediat shtetërore ruse për problemet e mëdha me të cilat përballen trupat ruse dhe separatistët nga e vetëshpallura Republika Popullore e Donetskut (DNR). Ai e justifikon përparimin e ngadaltë të pushtuesve duke pretenduar se nën fabrikën e çelikut Azovstal ndodhet një qytet i vërtetë nëntokësor, si dhe se disa objekte në atë kompleks janë projektuar për t’i bërë ballë një sulmi bërthamor.
https://twitter.com/i/status/1515239500540219393
“Azovstal është një ndërtesë e madhe, një fabrikë e madhe e ndërtimit sovjetik. Zona e saj mund të krahasohet me një qytet tjetër, me një Mariupol tjetër! Sidomos kur merrni parasysh të gjitha komunikimet, rrugët dhe nëntokën e tij. Pra, vetë objekti u ndërtua në kohën sovjetike, pasi u llogarit mundësia e bombardimeve, bllokadave. Madje disa ndërtesa u projektuan për t’i bërë ballë një sulmi bërthamor”, tha Gagin.
Ai shtoi se sulmi në Azovstal, ku janë vendosur anëtarët e Regjimentit Azov, është penguar seriozisht nga kanalet e komunikimit nëntokësor që e lidhin atë me të njëjtat objekte të tjera në Mariupol. Sipas tij, këto ndërtesa janë “praktikisht një qytet tjetër”.
Gagin pretendon se Azovstal vazhdon të mbrojë disa mijëra njerëz, siç thotë ai, me një arsenal të plotë armësh dhe një sasi të madhe municionesh, dhe brenda kompleksit të fabrikës ata kanë një flotë “mjaft serioze” të pajisjeve luftarake.
“Operacioni pra është mjaft i ngadaltë në pamje të parë, por nga ana tjetër duhet kuptuar se ne nuk mund të rrezikojmë jetën e ushtarëve tanë”. /tesheshi.com/
