Njeriu që i dha Gjermanisë trofeun e Kupës së Botës në 2014-n me golin e tij ndaj Argjentinës do të qëndrojë jashtë fushave për një kohë të pacaktuar.
Mesfushori me tipare sulmuese i çoi më së shumti në stol vitet te Bajerni i Mynihut, për t’u rikthyer sërisht te Borusia e Dortmundit. Me venitjen e tij që kishte nisur prej Botërorit, u shpresua që ai do të rilindte pas rikthimit te Borusia; diçka që nuk ngjau.
Gotze nuk ia ka dalë të lërë gjurmë te Dortmundi, me dëmtime të njëpasnjëshme. Problemet metabolike duket të jenë faktori kryesor që nuk e lënë 24-vjeçarin t’u kthehet paraqitjeve të tij më të mira.
Klubi i tij aktual ka njoftuar dje se Gotze do të qëndrojë jashtë fushave për një kohë të pacaktuar për shkak të problemeve metabolike.
Mbikëqyrja e problemeve muskulare të lojtarit ka çuar te ato metabolike, çka e bën të detyrueshme për të tërheqjen e përkohshme nga aktiviteti futbollistik. /tesheshi.com/
