Udhëheqësja e Frontit Nacional në Francë e ka përshëndetur edhe një herë rezultatin e referendumit britanik për ta lënë BE-në.
Duke folur në një sesion të jashtëzakohshëm të Parlamentit Europian, të kushtuar efekteve të Brexit-it, Marine Le Pen u është drejtuar parlamentarëve, “Hiqini ato fytyra turivarura, hiqini ato vështrime të zemëruara, e gëzojuni emancipimit të madh të popullit britanik.”
Ajo e ka akuzuar Bashkimin Europian se është totalitar, e se ka zbatuar për dekada politika globaliste pannacionaliste.
Le Pen ka deklaruar se është e angazhuar të ndjekë udhën e lirisë për Francën, duke bërë thirrje për një Frexit.
Rezultatin e referendumit britanik ajo do ta çmonte ditë më parë si fitore për lirinë, duke kërkuar të njëjtin referendum për Francën dhe për vendet e tjera europiane. /tesheshi.com/
