Udhëheqësja e Frontit Nacional, partisë franceze të ekstremit të djathtë, ka vijuar në fundjavë me retorikën e saj të ashpër antirrymë.
Marine Le Pen ka deklaruar një ditë më parë se BE-ja ka marrë fund, ka vdekur, por ende nuk e di këtë.
Kandidate në zgjedhjet e ardhshme presidenciale në Francë, ajo thotë se vendi i saj duhet të dalë nga BE-ja, e se qëndrimi në të nuk është më një alternativë praktike.
Për të, BE-ja ka dështuar si nga pikëpamja ekonomike, ashtu dhe nga ajo sociale.
Rritja e fundit ekonomike, papunësia dhe treguesit e varfërisë tregojnë për dështimin e Bashkimit Europian, përpos paaftësisë për t’i mbrojtur kufijtë karshi terrorizmit, është shprehur Lë Pen.
Pjesëmarrëse në një takim të partive të djathta në Gjermani të shtunën, Marine Le Pen bëri thirrje për “zgjimin” e Europës pas fitores së Trump-it në SHBA dhe Brexit-it në Britani.
Le Pen është një nga zërat radikalë më spikatës të së djathtës ekstreme në Europë. Në zgjedhjet e ardhshme presidenciale në Francë, ajo, sipas anketimeve, mund të arrijë gjer në balotazh. /tesheshi.com/
