Tensione ndërmjet Italisë dhe Turqisë, pak ditë pas vizitës së Presidentit turk Erdogan në Romë. Situata është ndërlikuar pasi marina turke ka ndaluar një anije shpimi nafte e gazi Saipem 12000, plataformë e gjigandit shtetëror të enërgjisë në Itali- Eni.
Anija është ndaluar pranë ujrave qipriote, pasi Erdogan u ka bërë të ditur autoriteteve italiane se nuk do të lejonte që në Mesdheun Lindor të zhvillohen eksplorime gazi natyror pa lejen e Turqisë.
Ai, gjatë takimeve që ka pasur me kryeministrin Paolo Gentilioni dhe Presidentin Sergio Matarella, u ka thënë se “kërkimet e naftës në Qipro janë kërcënim si për Qipron e veriut ashtu edhe për Turqinë”.
Anija italiane ka mbetur kështu në Qipro pa përparuar në zonën ku do të kërkonte gaz natyror. Në ujrat e Mesdheut, Qipro ka nisur kërkimet e gazit në det, në zonën ekonomike ekskluzive, por pa mbyllur kështu një marrëveshje me Turqinë për shfrytëzimin e zonës detare. Njëjtë siç ndodhi me Shqipërinë dhe Greqinë.
Turqia i kërkon Italisë që të mos bëhet pjesë e një loje jo të ndershme të Qipros greke, e cila ka filluar kërkimet në mënyrë të njëanshme. Autoritetet italiane i kanë thënë Erdoganit se kompania Eni ka fituar tenderin e hapur nga qeveria e Nikosia-s dhe nuk ka ndërhyrje nga ana e Romës zyrtare.
Siç bën të ditur La Repubblica, Presidenti turk më pas ka thënë se ai nuk mund të ndërhynte pa i lajmëruar më parë live “miqtë e tij italianë”, siç i ka konsideruar.
Menjëherë pas kthimit të Erdogan nga Roma, marina turke ka kthyer mbrapsht platformën e Eni-it dhe ka bërë të ditur se nuk do të ketë asnjë kërkim për gaz në Medheun Lindor pa një marrëveshje me Turqinë. /tesheshi.com/
