Ish-lojtari i ri i kombëtares angleze dhe futbollisti i gjigantëve si Arsenali dhe Liverpool, Jermaine Pennant është nën hetim nga policia pasi në shtëpinë e tij u zbulua rastësisht një plantacion për prodhimin industrial të marihuanës.
Një lojtar që bleu një shtëpi me vlerë më shumë se tre milionë euro në vitin 2006, ndërsa luante me Reds, thotë se u trondit kur zbuloi një plantacion në pronën që zotëron.
Shtëpia është ndërtuar në vitin 1930, ka një liqen, fushë tenisi, xhakuzi dhe pishinë të brendshme, por ka qenë e pabanuar që kur Pennant u nda nga partnerja Alice Goodwin në 2020.
Mediat angleze shkruajnë se shtëpia ishte zënë nga tregtarët e drogës si qendër prodhimi për aktivitetet e tyre të paligjshme.
Plantacioni në shtëpinë e Pennant në lagjen luksoze Hale Road u zbulua rastësisht nga Youtuber-i Lukka Ventures i cili hyri fshehurazi aty për të regjistruar një video për kanalin e tij.
Në foto dhe video shihen instalime elektrike, dhjetëra vazo për mbjellje, gypa, dritare të mbuluara, thasë të mbushur me marihuanë dhe materiale për rritjen dhe ruajtjen e marihuanës. /tesheshi.com/
