Në zgjedhjet presidenciale në Potugali ka mjaftuar vetëm raundi i parë i tyre për të përcaktuar emrin fitues, pa qenë nevoja për një raund të dytë.
Kandidati i qendrës së djathtë, ish-lideri i socialdemokratëve, ka grumbulluar 52.4 për qind të votave kur janë numëruar 99 për qind e tyre.
Rebelo de Sousa do të zëvendësojë në mars në postin e presidentit Anibal Cavaco Silva-n, që i ka konsumuar dy mandatet e mundshme të tij.
Ndërsa vendin e udhëheq një qeveri e majtë, zgjedhja e presidentit të ri nga e djathta shihet si një balancim i pushteteve në vend. Presidenti nuk ka fuqi ekzekutive, por mund të shpërndajë parlamentin, të thërrasë zgjedhjet e përgjithshme dhe të caktojë kryeminisrin.
Presidenti i ri premtoi të jetë i paanshëm, e se do të kërkojë të nxisë kompromisin, të “ndërtojë ura e të shërojë plagë”.
Nga nëntë rivalët e tij në zgjedhje, kundërshtari më i afërt, Antonio Sampaio de Novoa, kandidati kryesor i qendrës së majtë, arriti të mbledhë vetëm 22.8 për qind të votave, dhe në orët e vona të së dielës e njohu fitoren e Rebelo de Sousa-s. /tesheshi.com/
