Thuaj Maradona e ke thënë telashe. Ose thuaj Maradona, e ke thënë lajm. Mjafton të hapë gojën Diego, e të gjithë i japin jehonë, gjithçkaje që ai nxjerr nga “repertori”.
Këtë herë El Pibe D’Oro e ka “kruajtur” me boksierin më të mirë në botë aktualisht, Floid Mejuedher. Mediat i kanë transmetuar një fjali të vetme që ai tha për kampionin e botës. “Do ta vras Mejuedher”, ka qenë fraza e Maradonës, e pa dhënë ende shpjegime ai, të gjithe nxorrën me vrap lajmin.
Por argjentinasi nuk e ka patur në kuptimin e parë të fjalës, atë që ka thënë. Por e ka sfiduar boksierin, në fushën e futbollit, fushë e cila në fakt, nuk është fare e panjohur edhe për 40 vjecarin amerikan. Po Diego si Diego…provokon e pastaj e kalon me “një dorë në qafë”, gjithcka që bën. A do të përgjigjet Mejuedher apo jo, kjo është kthyer në kureshtje mediatike.
Sepse nëse boksieri pranon, mbase ndeshja e shekullit mes tij dhe kampionit të arteve marciale, do të ishte një “nxehje”, krahasuar me një ndeshje futbolli “tek për tek”, mes më të madhit të boksit dhe më të madhit të futbollit. Apo Maradona e ka bërë deklaratën, për “disa miliona më shumë”! /tesheshi.com/
