Me 101 vota pro, parlamenti i Maqedonisë Veriore zgjodhi një qeveri teknike, e cila do të ketë si detyrë mbajtjen e zgjedhjeve të parakohshme parlamentare, të dakorduara në 12 prill.
Qeveria e ashtuquajtur Przyn, e kryesuar nga ish-ministri i Brendshëm Oliver Spasoëski, u zgjodh pothuajse me unanimitet.
Kryeministri teknik Spasovski theksoi në fjalën e tij prezantuese, se Maqedonia Veriore është në një periudhë jashtëzakonisht të rëndësishme kur pritet funksionimi i qetë i të gjitha institucioneve.
“Kjo është një kohë kur duhet të organizohen zgjedhje të ndershme dhe demokratike, si dhe të përfundojnë proceset për anëtarësimin në NATO dhe BE”, tha Spasovski.
Kjo është hera e dytë në këtë vend që një qeveri teknike, e ashtuquajtura Przyn është formuar 100 ditë para se të mbahen zgjedhjet, me qëllim të mbajtjes së tyre në standartet e kërkyara demokratike.
Qeveria e parë e tillë u formua në prag të zgjedhjeve parlamentare të vitit 2016, si një zgjidhje për një marrëveshje politike midis kryeministrit të atëhershëm Nikolla Grujevskit dhe shefit të atëhershëm të opozitës maqedonase, Zoran Zaev. /tesheshi.com/
