Parlamenti i Maqedonisë Veriore zgjodhi një qeveri të re të koalicionit LSDM-BDI me kryeministër Zoran Zaev, natën e së dielës vonë.
Pas një debati dy-ditor, të 62 anëtarët e shumicës parlamentare votuan pro, njëri prej të cilëve votoi nga një kabinë e veçantë në parlament, e vendosur sipas protokolleve COVID-19.
51 anëtarë të opozitës votuan kundër në parlamentin me 120 vende.
Kryeministri i ri dhe ministrat menjëherë dhanë një deklaratë solemne përpara kryetarit të parlamentit Talat Xhaferi dhe në prani të përfaqësuesve të koalicionit qeverisës, pasi opozita u largua nga salla.
Në fjalën e tij përmbyllëse, kryeministri Zaev tha se qeveria e tij do të jetë e përkushtuar për forcimin e ekonomisë dhe vendosmërisht dhe pa kompromis luftimin e krimit dhe korrupsionit, duke theksuar se vendi duhet të ketë një sistem juridik evropian efikas.
“Do të bëjmë përpjekje që të zbusim dëmet ekonomike të shkaktuara nga koronavirusi. Do të ndërtojmë institucione që do të punojnë për të na mbrojtur nga armiku i padukshëm, koronavirusit. Nga fillimi i mandatit do të sigurojmë mekanizma për një administratë efektive”, tha Zaev duke shtuar se tani është koha për drejtësi dhe disiplinë,” vuri në dukje Zaev.
Zaev ka 19 ministra në kabinetin e ri, shtatë më pak se në qeverinë e tij të mëparshme.
Për herë të parë, qeveria në Shkup ka postin e zv / kryeministrit të parë, të cilën e mori BDI, dhe për herë të parë, një shqiptar është edhe ministër i Jashtëm. /tesheshi.com/
