Kryeministri i Maqedonisë Veriore, Oliver Spasovski, njoftoi të hënën se rezultati i testit të tij për virusin koronar ishte negativ, por se ai do të qëndronte në izolim në shtëpi derisa të merrte rekomandime zyrtare nga epidemiologët.
Spasovski u testua për virusin e koronës të hënën në mëngjes sepse ishte në një takim të partisë së tij (Unioni Social Demokratik i Maqedonisë – LSDM) në Kumanovë të dielën me drejtorin e Zyrës së të Ardhurave Publike të Maqedonisë Veriore, Sanja Lukarevski, për të cilën u konfirmua se ishte i iunfektuar.
“Unë nuk kam simptoma dhe derisa të marr rekomandimet zyrtare të epidemiologut, do të qëndroj në izolim në shtëpi”, shkruajti Kryeministri në Facebook.
Para se Spasovski ta njoftonte këtë, Ministri i Shëndetësisë, Venko Filipče, u tha gazetarëve se, “duke marrë parasysh kontaktet e Spasovskit, është shumë e sigurt që do të nevojitet një izolim dy-javor”.
Spasovksi ka qenë dhe më parë në izolim 14-ditor, pasi një herë më 15 prill, ai ishte në një takim me kryetarin e Kumanovës, i cili doli pozitiv.
Në Maqedoninë Veriore, koronavirusi po shkakton bilanc të vërtetë lufte. Vetëm në 24 orët e fundit janë 80 të infektuar dhe 7 humbje jete. /tesheshi.com/
