Organizata joqeveritare për hulumtimin dhe luftimin e kriminalitetit, Transparencë Internacional Maqedoni (TIM), njofton se edhe pse raporti i rrethit të katërt të evoluimit të GREKO (vende për luftë kundër korrupsionit) është miratuar në mbledhjen e 62-të plenare të mbajtur në dhjetor të vitit 2013, Republika e Maqedonisë ende nuk ka ndërmarrë aktivitete në drejtim të implementimit të një pjesë të rekomandimeve të theksuara në raport.
“Republika e Maqedonisë më 26 korrik të vitit 2015 ka dorëzuar informata drri te GREKO në lidhje me implementimin e rekomandimeve nga raporti i evoluimit. Më 1 qershor të vitit 2016, është miratuar raporti për vlerësim të implementimit, ndërkaq është publikuar më 12 tetor të vitit 2016. Nga përmbajtja e saj mund të konstatohet se është raporti më i dobët i GREKO-s për Republikën e Maqedonisë deri më tani”, shton TIM.
Siç shpjegoi TIM, rekomandimet nga raportet paraprake më së shpeshti kanë qenë në kohë të zbatuara, gjatë së cilës Maqedonia ka marrë vlerësim se kënaqshëm ose pjesërisht i zbaton të gjitha rekomandimet, mirëpo vitin e fundit nuk është punuar thuajse aspak në luftë kundër korrupsionit.
“Me raportin e ri, i cili ka të bëjë me luftën kundër korrupsionit në Kuvendin e Maqedonisë, gjyqësorin dhe Prokurorinë Publike, është konstatuar se Maqedonia kënaqshëm i ka zbatuar vetëm tre nga gjithsej 9 rekomandime, ndërsa të tjerat aspak nuk janë zbatuar”, shtojnë nga TIM.
TIM, ka vërejtje edhe në lidhje me atë që në raport është theksuar se autoritet në Maqedoni si pasojë e mosimplementimit ose pjesërisht implementimit të rekomandimeve, e kanë thelluar krizën politike në vend. /tesheshi.com/
