Parlamenti maqedonas vendosi 30 shtatorin si datë për mbajtjen e një referendumi për emrin e ri, pas marrëveshjes së arritur me palën greke, ku Maqedonia shndërrohet në Republika e Maqedonisë Veriore .
Reagimin e parë përshëndetës e pati komisioneri për Zgjerim dhe Fqinjësi, Johannes Hahn.
“BE e mbështet marrëveshjen dhe zbatimin e saj si një simbol i pajtimit dhe marrëdhënieve të mira fqinjësore në rajon”, tha Hahn në llogarinë e tij të Twitter.
Ai gjithashtu u bëri thirrje të gjithë qytetarëve të Maqedonisë që të ushtrojnë të drejtën e tyre demokratike për të votuar, duke thënë se ishte vendi i tyre dhe e ardhmja e tyre.
“A je ti për anëtarësim në BE dhe NATO, duke pranuar marrëveshjen për emrin e ri ndërmjet Republikës së Maqedonisë dhe Greqisë?”, do jetë pyetja bazë në fletën e votimit.
Marrëveshja kundërshtohet fort nga partia opozitare VMRO, e cila me gjasë do luftojë për një “Jo” në referendum. /tesheshi.com/
