Një pankartë provokuese është varur në Plovdiv të Bullgarisë, nga nacionalistët vendas, në ku thuhej se “Maqedonia është bullgare”.
Sipas expres.mk, ky veprim i atribuohet përfaqësuesve të partisë jashtëparlamentare VMRO-BND dhe konkretisht eurodeputetit Angel Xhambaski, me shënjestër kryeministrin Kirill Petkov.
Madje, Xhambaski në një letër drejtuar kryeministrit bullgar thotë: “Ju jeni mosrespektues ndaj nesh zoti Petkov. Çështja e ‘Maqedonisë’ për popullin bullgar është një plagë e gjallë dhe ju thjesht hidhni kripë në të. Sjellja juaj është krejtësisht e papërgjegjshme dhe mund të themi – antibullgare, duke pasur parasysh qëndrimin që mbani. Bullgarët janë mjaft të ndjeshëm ndaj kësaj çështjeje dhe ju mund të mos e dini, sepse çështja e idealit kombëtar bullgar vështirë se studiohet në Harvard (ku keni studiuar)”.
Siç dihet, pasi përfundoi mosmarrëveshjet me të njëjtjin kontekst me Greqinë, Maqedonia, e cila i shtoi vetes përcaktorin gjeografik “Veriore”, u përballë me Bullgarinë në kërkesa nacionaliste.
Kjo ka bërë madje që Sofja zyrtare të bllokojë Shkupin në proceset integruese, duke parashtruar kërkesa të llojit nacionalist. /tesheshi.com/
