Dy ditë pas zgjedhjeve të parakohshme parlamentare në Maqedoni, lideri i opozitës maqedonase, LSDM-së, Zoran Zaev në një konferencë për shtyp tha se ndryshimet në Maqedoni vazhdojnë dhe se VMRO me Nikolla Gruevskin nuk guxon të formojë qeveri. Sipas tij, rezultatet e shpallura nga KSHZ mbi numrin e deputetëve 51-49 në epërsi për VMRO-në, nuk janë përfundimtare ngase do të ankohen për shkak parregullsive, ndërsa kjo gjykon ai do të ndryshojë numrin final të mandateve të ndara, dhe të dyja do kenë nga 50 deputetë.
Përveç tjerash Zaev ka bërë thirrje të gjitha partive që mos të koalicionojnë me Gruevskin dhe të respektojnë dëshirën e shumicës, e cila sipas tij votoi për ndryshime.
“Shumica e qytetarëve votuan për jetë, liri dhe Maqedoni demokratike. Ata votuan për ndryshime. Kemi arritur rezultate për të cilin do të shkruhet në libra. Kemi mposhtur regjim me laps. Regjimi nuk guxon të formoj qeveri. Rekomandojmë partitë që fituan mandate të mos guxojnë ta shkelin dëshirën për ndryshime. Gruevski nuk guxon të formoj qeveri në Maqedoni”, tha Zoran Zaev.
Ndërkohë, në bllokun politik shqiptar sipas rezultateve të para të KSHZ-së, BDI ka siguruar 10 deputetë, Lëvizja BESA 5, Aleanca për Shqiptarët 3, dhe PDSH 2 deputetë.
Nga ajo që janë deklaruar kryesia e Lëvizjes BESA, me shumë gjasë mund të ndryshohet rezultati i mandateve të fituara edhe në bllokun politik shqiptarë, gjegjësisht t’i merret nga një deputet BDI-së dhe VMRO-së në zonën 2 dhe 6, e ti jepen BESËS, pasi që kjo e fundit ka paraqitur ankesa të dokumentuara se rezultatet e procesverbaleve dhe ata elektronike të KSHZ nuk korrespondojnë njëra me tjetrën.
Pra sipas tyre, diferenca ndërmjet Lëvizjes BESA, BDI-së dhe VMRO-së në këto dy zona është tejet e ulët, që me rinumërim eventual të votave BESËS do i takojnë dy deputetë më shumë, dhe do ketë gjithsej 7 deputetë. Po nëse ia shtojmë edhe dy tjera të cilat ia ka premtuar lideri i PDSH-së, Menduh Thaçi, atëherë Lëvizja BESA do të barazohet për nga numri i mandatëve me BDI-në, 9-9 deputetë. /tesheshi.com/
