Para se përfaqësuesit e Bashkimit Evropian dhe BE-së në Maqedoni, Aivo Orav dhe Xhes Bejli të vendosin edhe zyrtarisht nëse janë plotësuar kushtet për zgjedhje të lira dhe demokratike me 24 prill, ndërmjetësuesi belg në bisedime, Piter Van Houte nuk ka mund të përmbahet.
Ai, në rrjetin social twitter ka shkruar kështu: “Dorëzohem: Nuk ka zgjedhje me 24 prill!”.
Tashmë, mbetet që brenda ditës ky lajm i Van Houtes pritet të konfirmohet nga Bejli dhe Orav.
Me këtë vendim, opozita maqedonase ka arritur një tjetër fitore. Ajo këmbënguli fort që zgjedhjet të shtyhen tej kësaj dite, me arsyetimin që koha për të pastruar listat zgjedhore është e pamjaftueshme. /tesheshi.com/
