Kreu i diplomacisë së Shkupit, Nikolai Dimitrov, e ka kaluar pa asnjë rrezik një votëbesim të ndërmarrë kundër tij nga opozita VMRO.
Kjo e fundit e akuzonte ministrin e Jashtëm të Zaevit për “veprime kundër interesave shtetërore” dhe fyerjen e poshtërimin e popullit maqedonas.
Sipas VMRO-së, Dimitrov e kryente funksionin e Ministrit të Punëve të Jashtme në mënyrë joproporcionale dhe jokompetente dhe se ai kishte kërcënuar interesat e Maqedonisë me marrëveshjet me Bullgarinë dhe Greqinë.
Ishin 20 deputetë të VMRO-së që votuan kundër tij, ndërsa 59 ishin pro.
Në fjalën përmbyllëse, Dimitrov u kërkoi deputetëve që të përqëndrohen së bashku në prioritetet dhe të diskutojnë çështjet që janë me vlerë për t’u diskutuar.
“Maqedonia më në fund u vendos në këmbët e saj”, tha Dimitrov, referuar paktit me Greqinë që solli emrin e rid he paqen me fqinjin jugor. /tesheshi.com/
