Po shtohen zërat të cilët kërkojnë ndryshime drejtuesish në kreun e partisë maqedonase në pushtet, VMRO-DPMNE, të cilës afera e përgjimeve po ja jep grushtin e parë, dhe jo më pak se nga ish ambasadori në SHBA dhe negociator për çështjen e emrit Nikolla Dimitrov, dhe ish Ministri i Shëndetësisë,.Vlladimir Llazareviç.
Dikur vlenin për bashkëpuntorë të ngushtë të kryeministrit aktual Nikolla Gruevski, ndërsa sot e akuzojnë se ka uzurpuar institucionet dhe ka shkatërruar demokracinë e vendit.
“Nuk do të hesht, në këtë kohë pa kohë, kur institucionet shtetërore janë uzurpuar, ndërsa demokracia e Maqedonisë është shkatërruar përfundimisht” ka shkruar në profilin e tij në facebook, Dimitrov, që për njohësit e zhvillimeve politike nënkupton se është i dëshpëruar fortë nga politika retrograde e qeverisë aktuale.
Analistja Lidia Dimova, kryesuese me qendrën maqedonase për arsimim evropian, duke folur për rebelimin e brendëshëm në parti, për portalin tesheshi.com thotë se deklarata e këtillë, nuk duhet neglizhuar pasi vjen nga një diplomat, siq është Dimitrov që dikur kryesonte negocijatat për emrin.
“Deklarata e tij, është mesazhi i bashkësisë ndërkombëtare e thënë nga goja e tij, është pasqyrim i asaj se cka mendon diplomacia e huaj për maqedoninë, pasi Dimitrov përveç që ishte ambasador i Maqedonisë në SHBA, ishte kandidat serioz për ambasador në Moskë. Ai e njeh diplomacinë botërore”- shprehet Dimova, e cila pret që ky mesazh të inkurajojë edhe më shumë anëtarsinë e brendshme të VMRO-së, që t’kërkojë reforma të brendshme.(tesheshi.com)
