Ajo që deri para pak vitesh ishte tabu, një tip “faqe e zezë” në gjykimin shoqëor, tashmë vjen si normalitet, madje dhe me përkrahjen e së ashtuquajturës shoqëri civile. Kontigjente prostitucioni, të pajisur me çadra të kuqe, protestuan në Shkup për të drejtat e tyre, në një vend ku si shumëkund prostitucioni është i ndalur me ligj dhe i dënueshëm.
E dominuar nga elementi femër, ky kontigjent me vajzat gjysmë të zhveshura, nuk e quajnë këtë profesion si punëtorë seksualë, apo ndryshe prostituim, por “shoqëruese” ose “vajza të paguara”.
“Ta ngrejmë zërin kundër atyreve të cilët zbatojnë standarde të dyfishta duke e dënuar mënyrën tonë të zgjedhjes, e që njëkohësisht shfrytëzojnë shërbimet tona”, tha një ndër to.
E nga ana tjetër, krah tyre është shfaqur dhe një zë mashkullor, në emër të shoqërisë civile.
“Në publik nuk i pranojnë, mirëpo në marrëdhënie të tyre private janë vizitues të përditshëm të këtyre njerëzve”, tha Mariglen Demiri aktivist.
Ndërkohë, në Shkup ka nisur me punë dyqani“Red District”, që ndryshe njihet edhe si vendi ku blihen femrat për përmbishje të epsheve seksuale. Vajzat në vitrina luajnë nën tingujt e muzikës në një lokal dhe ekspozojnë trupin me të brendshme.
Qytetarët para vitrinave, duken shumë të habitur nga kjo ngjarje e pazakontë në Shkup ku nuk mungojnë edhe ofendimet për organizatorët, dhe për këtë, në afërsi të vitrinës janë shfaqur forca policore.
Miradie Hasani – /tesheshi.com/
