Një valë arrestimesh janë kryer mëngjesin e hershëm të kësaj të marte në Maqedoni, ku 7 persona të akuzuar si pjesëmarrës në luftra në Siri e Irak, janë vënë në pranga pikërisht me këtë akuze.
Polcia maqedonase i ka publikuar identitetet e tyre vetëm me anë të inicialeve, shoqëruar nga viti i lindjes për secilin, pa dhënë detaje të mëtejshme.
“Janë arrestuar shtatë shtetas të Maqedonisë, për të cilët ekzistojnë dyshime se si luftëtar terrorist të huaj, në mënyrë aktive kanë marrë pjesë në luftërat në Siri dhe Irak. Bëhet fjalë për: S.R (1990), Xh.A (1993), B.F (1994), O.Zh (1987), E.O (1994), I.Sh (1997) dhe A.M (1995)”, thuhet në njoftimin e policies maqedonase, duke u ofruar dhe pamjet përkatëse të aksionit policor që ka çuar në arrestimin e të shtatëve.
Ky zhvillim vjen pas një kohe relativisht të qetë sa i përket çështjeve të rendit në Maqedoni, me protagonist shqiptarët. /tesheshi.com/
