Pas zyrtarizimit të emrit të ri, futur në Fletoren Zyrtare, e njëjta gjë është vepruar dhe me Ligjin e Gjuhëve në Maqedoni.
Ka qenë kryeparlamentari Talat Xhaferi ai i cili ka njoftuar firmosjen e këtij ligji një vit pas miratimit.
“Ligji për përdorimin e gjuhëve edhe në Gazetën zyrtare!”, shkroi Xhaferi.
Ligji në fjalë, i konsieruar si ligji që i jep shqipes statusin e një gjuhë të dytë zyrtare në Maqedoni, u miratua më 11 janar të vitit të kaluar në situatë të tensionuar mes deputetëve maqedonas dhe ku presidenti Ivanov nuk pranoi ta dekretonte. /tesheshi.com/
