Ndonëse Kumanova është ndër qytetet me ajrin më të ndotur në vend, banorët nuk i kursejnë veturat as për distancat më të shkurtra brenda vendbanimit të tyre. Qytetarët thonë se trafiku i ngarkuar, sidomos gjatë dimrit, është njëri nga faktorët që po ngulfat ambientin. Por këtë kaos rrugorr nuk bëhet nga autobusët meqë nxënësit e shkollës të mesme teknike “Nace Bugjoni” në Kumanovë, të cilët udhëtojnë nga fshatrat e Likovës të ankohen se ata janë të stërmbushur me nxënës dhe gjatë gjithë kohës duhet të qëndrojnë në këmbë.
Sipas prindërve, kompanitë e autorizuara për transportin e nxënësve përdorin më pak autobusë në krahasim me numrin e nxënësve që udhëtojnë, ndërsa e gjithë kjo ndodh ngase kompanite, private për të ulur shpenzimet kursejnë në prurjen e autobusëve tjerë. Në shkollën e mesme teknike “Nace Bugjoni” në Kumanovë prej 1074 nxënësve, gati 90% vijnë nga fshatrat e Komunës së Likovës. Ndërsa nga udhëheqësia e e shkollës thonë se prej këtyre nxënësve ndodh që të mungojnë në orët e mësimit për shkak të problemit të transportit.
“Ndonjëherë ndodhë që për shkak të ndonjë defekti të autobusëve ose për shkaqe të ndryshme teknike ka ndonjëherë edhe vonesa. Por, kemi edhe ankesa nga prindërit, të cilët vijnë dhe na kritikojnë gjoja se ne kemi fajet për këtë, kurse shkolla jonë absolut nuk ka kurrfarë ndikimi tek transporti, për arsye se ajo është në kompetencë të Komunës së Kumanovës”, u shpreh Shyqeri Xhaferi, Zv.drejtor.
Kryetari i Kumanovës, Maksim Dimitrievski, thotë se këto nxënës munden të mësojnë në gjimnazin e Likovës dhe të mos e shkaktojnë mbingarkesën nëpër autobusë.
“Këta nxënës, nga ana e vet shoferëve merren në autobus falas me qëllim që mos të lihen në rrugë, andaj supozoj se për atë arsye vjen deri tek mbingarkimi i autobusëve. Kjo nuk është e lejueshme e as e pranueshme sepse cenohet siguria e nxënësve dhe këtë çështje do ta kontrollojmë nga organet kompetente”, shtoi Maksim Dimitrievski, Kryetar i Komunës së Kumanovës.
Derisa Autoritetet e Kumanovës, bëjnë kontrolle në terren për respektimin e marrëveshjes për transport të sigurt dhe adekuat, nga ana tjetër qytetarët udhëtojnë me makinat e tyre.
Kryetari i Kumanovës, Maksim Dimitrievski, thotë se linjat e transportit publik urban në Kumanovë mbahen nga kompanitë private. Por, sipas tij, banorët ende nuk e preferojnë transportin urban, edhe pse një autobus mund të zëvendësoj 50 vetura, të cilat vërtiten gjatë gjithë ditës poshtë e lartë qytetit. Sipas tij nëpër qytet janë vendosur mbi 20 pika ndalese të autobusëve, të cilat janë në fazën përfundimtare nga ana e Komunës.
Nga autoritetet komunale, thonë se do të merren masat për vetëdijesimin e qytetarëve në përdorimin e transportit publik, i cili aktualisht zhvillohet vetëm nëpër bulevardet kryesore. Kryetari Dimitrievski, tha se për qarkullimin e autobusëve nëpër zonat periferike të Kumanovës, duhet të bëhet zgjerimi i rrugëve dhe rrënimi i disa ndërtimeve pa leje.
Miradie Hasani – /tesheshi.com/
