Në tre vitet e fundit, kabineti i Presidenti ka ndarë më shumë se 80 mijë euro për servisimin e veturave zyrtare. Në vitin 2014, shuma arrinte në vetëm 23 mijë euro. Në mesin e veturave që janë riparuar janë edhe vetura më të vjetra se 9 vjet.
KIA Sorento e vitit 2006
MERCEDES E class e vitit 2001
PASSAT e vitit 1998
DACIA Logan i vitit 2005
FORD Mondeo i vitit 2012
FORD Mondeo i vitit 2012
Përveç ndërrimit të vajrave, filtrave, frenave që janë procedurë standarde në servisimin e veturës, në tenderin e hapur nga presidenca kërkohet edhe ndërrimi i çdo pjesë të mundshme të veturës, përfshirë këtu edhe rezervuarin e benzinës dhe butonin për dritat sinjalizuese.
Firma e njëjtë i ka servisuar veturat e njëjta edhe vitin e ardhshëm.
Ajo që tanimë me vite është e angazhuar nga Presidenca, e ka fituar tenderin në vitin 2015 me ofertë më të ulët prej 0,001 denarë, por vlera e tenderin në fund ka arritur vlerën prej 18 178 euro.
Trajtimit “mbretëror” iu bashkëngjit edhe Nissan Qashqaj dhe Ford Transit. Edhe pse u shtuan edhe dy vetura për servisim, çmimi në 2015 ishte më i ulët për 298 mijë denarë.
Në vitin 2016 nga buxheti i shtetit janë harxhuar 2 365 100 denarë apo 38 456 euro sërish për riparimin e veturave të njëjta. Kësaj radhe shtrenjtimi duket i logjikshëm pasi përveç veturave që ishin në listën për servisim, vitin e kaluar u shtuan edhe tre vetura tjera.
Dy veturat më të shtrenjta në listën për servisim të Presidencës janë Ford Mondeo-t të vitit 2012. Kurse në bazë të çmimeve në faqen zyrtare të Ford Maqedoni, për riparim-detaj nevojiten rreth 80 mijë denarë. Por duke pasur parasysh se veturat janë servisuar rregullisht çdo vit, ndërrimi i të gjitha pjesëve nuk është i nevojshëm.
Në faqen për informime publike nuk ka të dhëna për vitin e kaluar, kurse nga kabineti i presidentin edhe sivjet kanë hapur tender për mirëmbajtjen dhe riparimin e veturave që i posedojnë kurse vendimin se kush do ta fiton tenderin do të duhet sillet pas dy ditëve.
Miradie Hasani – /tesheshi.com/
