Në Maqedoni, LSDM po e akuzon VMRO-në se po keqpërdor nxënësit e shkollave për qëllimet e saj politike.
“Përfaqësuesit e Unionit të Shkollave të Mesme në Probishtip nëpërmjet një porosie deri te nxënësit, shumica e të cilëve janë minorenë i ftojnë që të mos shkojnë në mësim dhe me atë ta shprehin përkrahjen për kërkesën e iniciativës së iniciuar nga VMRO-DPMNE “Për Maqedoni të përbashkët”. Njëkohësisht ky union fton që nxënësit të bashkëngjiten në protestat të cilat janë paralajmëruar për në këtë qytet”, thuhet nga partia e Zaevit.
Reagimin e saj, LSDM e shoqëron dhe me një bisedë të rrjeteve sociale në mes nxënësve, provë kjo e manipulimit dhe e abuzimit
“Më cingëro nesër pas orës së dytë do të protestohet përpara shkollës për dygjuhësi, diku gjysmë ore si kryetar jam e obliguar që t’u njoftoj, pas asaj do të jemi të lirë nga shkolla, do me thënë pas orës së dytë, asgjë s’do të evidentohet, pasi që kjo shkon nëpërmjet komunës, kjo është në të gjitha qytetet. Domethënë nesër jemi në shkollë deri në orën e dytë, pastaj duhet të dalim në protestë, përshëndetje”, përcilet pra ky komunikim përskaj akuzës.
Organizata komunale e LSDM-së thotë se marrin shumë reagime nga qytetarët për mobilizimin intensiv të shkollarëve të mesëm për në protestat e iniciuara nga VMRO-DPMNE.
“Është e papranueshme që nxënësit të ftohen që ta lëshojnë mësimin që të jenë pjesë e protestave të cilat nxisin dhe shpërndajnë urrejtje ndëretnike. Askush nuk ka të drejtë të manipulojë dhe t’i keqpërdorë nxënësit për t’i realizuar qëllimet partiake”, thonë nga LSDM. /tesheshi.com/
