Nga Mensur Krasniqi
Në Maqedoni, tregëtimi i fishekzjarreve dhe kapsolleve është i ndaluar me ligj; një gjë e mirë kjo për një vend ballkanik, ku karakteri i robit e ka me shumë dëshirë armën. Por ja që më pas aty ngjan sikur je në Shqipëri, jo nga kakofonia e tmerrshmeqë shkakton pëlcitja e tyre në publik, por nga moszbatimi i ligjit.
Një treg i stërmbushur me fishekzjare, por edhe një interesim i jashtëzakonshëm i qytetarëve për blerjen e tyre. Dhe përballë kësaj skene qëndrojnë policët, ligjzbatuesit, të cilët bëjnë sehir.
Më pas vjen ana tjetër paradoksale, ajo e blerjes së tyre. Disa prindër, të pyetur nga tesheshi.com se për çfarë arsye po shpenzojnë në blerjen e fishekzjarreve, ata arsyetohen me faktin se fëmijët e tyre i detyrojnë për këtë gjë.
“Nuk guxoj me i shku djalit në shtëpi pa i blej petard(fishekzjare), shumë i ka qejf. Ka një javë që më ka lut me i ble, po ja tani që sot jemi viti i ri, le të bën qejf duke plas petardat në rrugë”, tha një syresh.
Një tjetër qytetar, ndonëse i vetëdijshëm se përdorimi i mjeteve piroteknike mund të jetë i dëmshëm për fëmijët, ai sërish ka vendosur që ta blej të paktën një pako petarda(fishekzjarrë) për t’jua çuar në shtëpi.
“Paj e di bre se këto far sene nuk janë të mira për fëmijët, ama s’po durohen n’shtëpi, babo babo a ki mem blej petard. E që po ja blej një paket edhe do t;i krisim bashkë me kujdes”, tha ai.
Ndërsa, nga ana tjetër shitësit e mjeteve piroteknike në asnjë mënyrë nuk pranonin të prononcohen, e aq më pak t’lejojnë t’iu bëhet fotografi.
“Jooo ik, ik çfarë deklarate, as mos fotografo”, ishin fjalët e shitësve.
Blerja dhe aktivimi i fishekzjarrëve ose mjeteve tjera piroteknike në vendet publike, në rrugë, në oborre, në hyrje të ndërtesave të banimit, paraqet kundravajtje ligjore dhe për këtë janë paraparë edhe dënimet nga 200-500 euro.
Nëse bëhet furnizimi dhe distribuimi-shpërndarja në treg, kjo sipas ligjit penal paraqet vepër penale që mund të dënohet me burg në kohëzgjatje deri në 3 vjet, ndërsa prindërit e minorenëve që nuk i kanë mbushur 14 vjet, sipas ligjit për kundërvajtje do të dënohen me 600-800 euro, nëse fëmijët e tyre aktivizojnë fishekzjarrë. /tesheshi.com/
