Një ditë pasi kreu i VMRO-së, Nikolla Gruevksi tha se duhet krijuar sa më shpejt qeveria, duke theksuar nevojën e vazhdimit të reformave dhe integrimit europian, kreu i Levizjes BESA, partia suprizë e këtyre zgjedhjeve, Bilal Kasami, tha se duhet një qeveri teknike që më pas të organizohen prej saj zgjedhje të reja.
Në një intervistë për Anadolu Agency, Kasami tha se kjo kërkesë duhet të merret në konsideratë nga ata që ndihen fitues.
Në fakt, edhe pse VMRO dhe BDI e arrijnë në kufirin e fundit kuotën e detyrueshme kushtetuese të mandateve për të formuar qeveri, ajo do jetë aq e brishtë dhe aq e rrezikuar të rrëzohet, sa, siç e përmendi dhe Gruevksi, duhet një koalicion më i gjërë, për të cilin ai paralajmëroi negociata.
Rezultati i zgjedhjeve që i atillë sa, edhe pse ligjëërisht nxorri fitues dyshen e pushtetit VMR-BDI, gjithsesi i la pa legjitimitetin për të formuar e patur një qeveri stabël.
Ndaj, pothuajse të gjitha zërat, veç fituesve, përfshirë dhe shumë analistë, kërkojnë që të formohet një qeveri teknike dhe më pas vendi të shkojë sërish në zgjedhje në pranverë.
Ndërkohë, Kasami i BESËS tha se partia e tij është dëmtuar në dy zona zgjedhore, në të cilat pretendohet t’i kthehen mandatet. /tesheshi.com/
