Komisioni Shtetëror Zgjedhor në Maqedoni hodhi shortin sot për renditjen e partive në fletën e votimit për zgjedhjet vendore të 15 tetorit.
Brenda datës 21 shtator, Komisionet Komunale Zgjedhore duhet të publikojnë listat e kandidatëve për anëtarë të këshillit dhe për kryetar komunash.
Në komunat, ku të paktën 20 % e qytetarëve flasin gjuhë zyrtare të ndryshme nga ajo maqedonase, listat publikohen edhe në gjuhën zyrtare dhe shkrimin që e përdorin qytetarët në atë komunë.
Tashmë ka përfunduar edhe afati prej pesë ditësh, kur partitë politike mund të dorëzojnë kërkesën për regjistrim, plotësim ose fshirje të të dhënave nga listat zgjedhore.
Në listat ku janë bërë të gjitha ndryshimet, afati është data 24 shtator për publikimin e tyre.
KSHZ-ja nënshkruan Listën Zgjedhore dhe çertifikatat në të, deri më 29 shtator.
Zgjedhjet e gjashta lokale në Maqedoni janë caktuar për më 15 tetor, ndërsa do të ngrihen 3.480 vendvotime në 80 komuna dhe në Qytetin e Shkupit. Fushata zgjedhore do të fillojë më 25 shtator në mesnatë dhe do të përfundojë më 13 tetor. Raundi i dytë i zgjedhjeve është caktuar dy javë më vonë, më 29 tetor.
Renditja e partive
LSDM – 19
VMRO-DPMNE – 7
Bashkimi Demokratik për Integrim – 3
Lëvizja BESA 14
Aleanca për Shqiptarët – 9
RDK dhe UNITETI – 2,
Lëvizja e Turqve – 8
Partia Demokratike Shqiptare – 15
Partia Demokratike e Turqve të Maqedonisë – 11
Levica “E Majta” – 16
Partia për Prosperitet Demokratik – 17
PSDM – 1
BDI, BESA dhe Aleanca për Shqiptarët në Ohër dhe Manastir do të jenë me numrin 4 /tesheshi.com/
