Radiotelevizoni publik maqedonas, RTVM, duhet të depolitizohet nga politika e kryeministrit Nikolla Gruevski, gazetarët të mos i nënshtrohen dhunës dhe mediat të mos kenë të drejtën të reklamojnë partitë politike.
Kështu u dakorduan në një takim në Shkup përfaqëuesit e mediave të Maqedonisë me ekspertin belg, Piter Van Hojt.
Zyrtari i lartë nga Brukseli theksoi se për reformat më së miri është të dëgjohet mendimi i gazetarëve. Andaj në këtë formë, gazetarët u dakorduan që reformat në radiotelevizionin publik duhet të jenë të patjetërsueshme, në të cilat të përfshihet edhe Agjencia për Audio dhe Shërbime Vizuale, si dhe te Këshilli për Media.
Van Hojt deklaroi se prioritet i BE-së është që të ndalohet dhuna ndaj gazetarëve, ata të kenë qasje deri tek informatat, si dhe të ndalohet shpifja dhe reklamimi politik nga media të caktuara.
Gazetarët thenë se ndryshimet nuk mund të bëhen brenda natës dhe se ato duhet të realizohen deri në zgjedhjet e prillit, me qëllim që Maqedonia të ketë informim të lirë dhe të pavarur. Sipas Marrvëshjes së Përzhinos, ligji për media dhe të gjitha reformat tjera që kanë të bëjnë me mediat duhet të realizohen dhe të miratohen deri më 20 nëntor. /tesheshi.com/
