Një zhvillim i papritur në Maqedoni mund të përmbysë gjithçka me gjasë në rezultatin e deritanishëm të zgjedhjeve. Gjykata Administrative ka dhënë vendim për ankesën e LSDM-së ndaj vendimit të KSHZ-së, sa i përket anulimit të votimit në një vendvotim në Komunën e Tearcës.
Nga Këshilli i përbërë prej 5 gjykatësve, ankesën e LSDM-së e kanë cilësuar si themelore dhe kanë vendosur që votimi i 11 dhjetorit në Tearcë të anulohet dhe i njëjti të përsëritet.
Sipas deputetit të posazgjedhur shqiptar në rradhët e LSDM-së, Muhamed Zekiri, i cili i pyetur nga portali tesheshi.com në rast se rivotimi në këtë vendvotim do të sjellë ndonjë ndryshim eventual të rezultatit të zgjedhjeve, ai në mënyrë kategorike u përgjigj se “Po”.
“Pas rivotimit në këtë vendvotim të Tearcës, VMRO-së do i merret një deputet që do t’i shtohet LSDM-së. Me këtë shifrat shkojnë nga 51-49 për VMRO-në barazimin 50-50”, dek
laroi Zekiri.
Përveç kësaj, gazetari që tashmë është dhe deputet i LSDM-së, në rrjetin social facebook menjëherë pas publikimit të vendimit të Gjykatës Administrative ka ironizuar me anëtarin e KSHZ-së nga rradhët e BDI-së, Subhi Jakupin i cili të gjitha ankimimet e LSDM-së mbi parregullsitë zgjedhore i kishte votuar kundër si të pabaza.
“Subhi Jakupi а е kuptove tani se nuk je ti gjykates qe te shpetosh dike qe ka vepruar padrejtesishte?
Do te kete rivotim ne Tearce vendosi Gjykata Administrative!!”, ka shkruar në rrjetin social facebook, Muhamed Zekiri. Krasniqi – /tesheshi.com/
