Nga Mensur Krasniqi
Të punësuarit në fabrikën “Jugohrom”, “Metalulgjikut” të Maqedonisë, ndodhur fushës së Pollogut në mes Shkupit e Tetovës, edhe në dhjetor mbeten në marrëdhënie të rregullt pune pa marrë parasysh që fabrika edhe më tej nuk punon. Kjo u bë me dije të mërkurën në një konferencë për shtyp nga drejtori Vasko Skenderovski, pas takimit me Sindikatën e të punësuarve në këtë fabrikë.
“Menaxhmenti i Jugohromit ka treguar mirëkuptim për të punësuarit, për rajonin i cili graviton rreth fabrikës dhe unë si drejtor i përgjithshëm kam vendosur që në korrelacion me menaxhmentin, të punësuarit edhe më tej të mbeten pa përjashtim”, tha Skenderovski.
Po ashtu, ai paralajmëroi se në dhjetor sërish do të bisedohet me Sindikatën e të punësuarve konform kushteve që do të jenë.
Në fund ai informoi se në Jugohrom po ndërtohet sistemi për filtrim dhe shkaku i vetëm për mosplotësimin e lejes së integruar në afatin ligjor, respektivisht 31 tetori, është ajo që lejen ndërtimore e kanë marrë më 18 korrik të këtij viti dhe se ende nuk kanë arritur të përfundojnë me sistemin e filtrimit në një afat aq të shkurtër kohor.
Kryetari i Sindikatës së të punësuarve në Jugohrom, Bajram Amiti ka deklaruar se nëse nuk gjendet zgjidhje e shpejtë për këtë problem, ata do të hyjnë në grevë radikale.
Ndryshe, kujtojmë se fabrika “Juhohrom” është njëra ndër shkaktarët kryesore për ndotjen e ajrit në qytetitn e Tetovës, dhe njëkohësisht fabrika me më së shumti punëtorë në gjithë rajonin e Pollogut.
Tani kjo fabrikë për më shumë se 1 muaj rezulton e mbyllur me vendim të qeverisë.
Ndërsa sipas kreut të organizatës joqeveritare, “Eco Guerilla”, Arijanit Xhaferi, mbyllja e Jugohromit nuk është asgjë tjetër përveçse një manipulim klasik para zgjedhjeve parlamentare. /tesheshi.com/
