Nga Mensur Krasniqi
Vjen goditja e parë për “Titanik”-un e prokurores speciale, Katica Janeva. Gjykata Kushtetuese ka pranuar iniciativën e kryetarit të shtetit, George Ivanov që të amnistojë persona të dënuar për parregullsi zgjedhore. Propozimi i cili u vendos në rend dite në seancën e sotme ku u votua me 5 vota pro dhe 4 kundër, vjen menjëherë pas hapjes së rastit “Titanik”, nga ana e Prokurorisë Speciale në të cilin të dyshuar janë nëntë persona për keqpërdorime zgjedhore, në mesin e të cilëve edhe ish-funksionarë të lartë shtetërorë.
Në vitin 2009 kishte ndryshim në këtë Ligj, që ia ndalonin presodentit amnistimin e personave që janë dënuar për parregullsi zgjedhore.
Sipas anëtarit të kryesisë qendrore të Lëvizjes Besa, Afrim Gashi, tani që gati e gjithë garnitura e VMRO-BDI-së është nën hetime për manipulime zgjedhore nga Katica Janeva, por edhe për t’i dhënë hapësirë të vazhdojnë me avazin e vjetër të vjedhjes së votave, kryetari i shtetit së bashku me Gruevskin, në këtë formë po garanton sigurinë e tyre dhe po i zhvesh nga përgjegjësia penale.
“Nikolla Gruevski ka gjetur mekanizmat se si te vjedhë votat, dhe nese ata eventualisht kapen, ai ka gjetur edhe mekanizmin se si të. Këtij sistemi mund tëi themi si të duam, por vetëm shtet, në kuptimin më të drejtë të fjalës, nuk është”, deklaroi për tesheshi.com, Afrim Gashi.
Ndërkaq, sipas politikologut Xhenis Sulimani, ky akt po dëshmon qartazi se pushteti aktual është mbi Ligjin dhe Kushtetutën.
“Një hyrje në krimin politik vërtetuan të a.q. “bombat” e opozitës. Megjithatë, me kalimin kohës, periudha post-Marrevëshjes së Përzhinos po e dëshmon të njëjtën. Shembull:obstruksionet ndaj punës së Prokurorisë Speciale, mospërfillja e vendimeve dhe urdhërave të kësaj të fundit. Tani ky mekanizmi i fundit për t’i amnistuar shkelësit e rregullores zgjedhore është kulmi i krimit politik. Me këtë mekanizëm po tentohet që të mbrohen shkelësit për të cilit Prokuroria Speciale urdhëroi paraburgim. Këto veprime do të ndikojnë që edhe më tepër qytetarët të humbin besimin në institucionet kruciale të shtetit. Keni parasysh, nëse institucioni mbron krimin politik, çfarë e ardhme e pret atë shtet”, shprehet për tesheshi.com, Xhenis Sulimani. /tesheshi.com/
