“Bomba” e rradhës si pjesë e aferës së përgjimeve në Mëqedoni, i është kushtuar Radio Televizionit Shtetëror.
Lideri i opozitës, Zoran Zaev, publikoi biseda telefonike në të cilat protagonist, siç tha, është maja më e lartë e pushtetit, kryeministri Gruevski, shefi i kabinetit të tij, Protuger dhe Ministrja e Brendshme Jankullovska, të cilët bashkarisht kanë përzgjedhur gazetarët të cilët duhet të punësohen në servisin publik, e gjitha kjo, me rekomandim të organeve partiake të VMRO-së, ndërsa kishin përcaktuar edhe emrat e korrespodentëve në Athinë dhe Ëashington.
“Sot e hapim pakon e nënshtrimit të mediave ndaj Gruevskit, Televizionit Shtetëror dhe televizioneve private, Sitel dhe Kanal 5, pronarë të të cilave janë djem të partnerëve të koalicionit me Gruevskin”, tha Zaev.
Në shënjestër ka qenë edhe kryeredaktori i televizionit proqeveritar ‘Site’ Dragan Pavlloviç Llatas, i cili vlen për të përkëdhelurin e qeverisë. Sipas Zaevit, nga pozicioni i kryeredaktorit, Llatas ka marrë beton duke rekrutuar kompani dhe njerëz në këmbim të mospublikimit të lajmeve kundër tyre.
“Shihe kështu, unë nesër do të takohem me të dhe do t`i them që nesër Llatas do të marrë sasi të betonit dhe të premten bën lajm për ty”, dëgjohet zëri i një bashkëbiseduesi duke biseduar me Llatasin, gjë të cilën e publikoi opozita maqedonase.
Në një tjetër bisedë të shpalosur, për të cilën u tha se është bisedë mes ministrit për Financa, Zoran Stavrevski dhe asaj të Brendshme Jankullovska, kjo e fundit thotë se turpërohet nga fjalori vulgar i gazetarit Milenko Nedelkovski, një tjetër gazetar i përkdhelur i qeverisë, që njihet për promotor të fjalorit të urrejtjes.
“Milenko duhet të përfundojë në burg për atë që ka bërë”, thotë Stavrevski në bisedën e shpalosur nga opozita. /tesheshi.com/
